時間：2025/08/13(三)~08/15(五)
今日工作事項
主持營隊始業式
𢯭手處理課程相關个設備設置
負責部份个導覽紹介
𢯭手 C 小隊進行課程
營隊一日結束過後𢯭手維護環境
主持第三日下晝个桌遊
今日工作心得
頭一日，𠊎試著心情當毋定，緊在該想這擺來个到底會有仰般个細人仔，心肝肚當希望佢兜做得聽人講話，毋好聽話毋入耳，牛到𫣆兜當𤸁。結果正經就像𠊎个期待，都係當有禮、曉聽話个細人仔，有一隻細人仔還當好，會教大家仰般來去折紙，正經當得人惜。開幕式个部分應該係無麼問題，到了參訪个部分該乜無麼个問題，𠊎對攝影棚个了解可能到這下差毋多有罅了，腳本寫著个內容大體都有講好，當承蒙大家摎𠊎𢯭手。
第二日，𠊎試著就係較平常个上課內容，無麼个特別个東西，歸日仔就係上課，可能係這梯次个年紀較大，故所客語配音个先生教起來較辛苦，較無人對厥个內容有反應。
第三日，係畫妝摎小主播上場个日仔，毋過畫妝个時節正經係當悿，因為佢兜當多人畫好了都濫糝摸，該畫个妝又會恁仔落忒，又愛摎佢等補，正經無恁該。下晝又去帶了桌遊，其實這還算係輕鬆个，三組个人其實都還算係願意對話个，好得恁仔正無分𠊎𤸁死。
請先 登入 以發表留言。