時間：2025/08/06(三)~2025/08/08(五)
今日工作事項
主持營隊始業式
𢯭手處理課程相關个設備設置
負責部份个導覽紹介
𢯭手B小隊進行課程
營隊一日結束過後𢯭手維護環境
主持第三日下晝个桌遊
今日工作心得
頭一日，𠊎試著心情當毋定，緊在該想這擺來个到底會有仰般个細人仔，心肝肚當希望佢兜做得聽人講話，毋好聽話毋入耳，牛到𫣆兜當𤸁。結果正經毋像𠊎个期待，細倈仔人數當多，正經當得人惱，有一隻細人仔還當好做自家个事情，正經毋好處理。開幕式个部分應該係無麼問題，毋過到了參訪个部分个問題就有較大了，𠊎對攝影棚个了解可能還係無罅好，有一息仔腳本寫著但係𠊎放忒个內容講毋好，當承蒙艾粄阿姐𢯭手𠊎。 第二日，𠊎試著就係較平常个上課內容，無麼个特別个東西，歸日仔就係上課，可能係這梯次个客語能力較毋好，故所客語配音个先生教起來較辛苦， 較無人對厥个內容有興趣。 第三日，係畫妝摎小主播上場个日仔，毋過畫妝个時節正經係當悿，因為佢兜當多人畫好了都濫糝摸，該畫个妝又會恁仔落忒，又愛摎佢等補，正經無恁該。下晝又去帶了桌遊，其實這還算係輕鬆个，除忒第一組正經吵到佇毋著，其他兩組个人其實都還算係願意對話个，好得恁仔正無分𠊎𤸁死。
請先 登入 以發表留言。