2025/08/01(五)
今日工作事項
修改第三梯次个標 bar
參與後生牽成計劃个期中會議
參與後生客家之星个表演
𢯭手準備前兩隻活動个場地、設備
今日工作心得
今晡日來到崗位就開始來處理進前還有伸著一息仔个小主播上場个事前工作，當遽就摎佢兜做忒了，還順續去摎東西放好勢。
續等就去到樓頂來開一隻期中會議，講正經个，𠊎心肚當緊張，因為驚怕自家會講毋好，還有就係忒多長官會分𠊎試著當有壓力，毋過到尾還係有盡量講好，應該係無忒大个問題。
後生客家之星个部分，𠊎自家唱个時節就有堵著了兩隻問題，第一隻係無對到阿淘哥个節奏，對無人聲配樂个掌扼無幾好，可能還係較慣勢 KTV 个狀態，恁仔在人面前顛倒毋曉唱了。
請先 登入 以發表留言。